麻辣派對 (已結業)

之前朋友一直介紹我去一間麻辣餐廳，話我一定會喜愛上，朋友知我倆口子都大愛四川麻辣食物，所以就決定去試試看吧！餐廳地點位於渣甸中心，方便又易搵。店內裝潢設計時尙，完全唔似四川菜館，好一間新派餐館。餐牌款式選擇多，而且每款都好似好吸引呢！招牌口水雞麻辣醬汁香濃麻辣，加上芝麻粒多咗份芝麻香味更加滋味，雞肉咸香又夠麻味。夫妻肺片牛肚爽脆，牛腱肉味濃，仲有鮮嫰嘅牛脷，混合了麻辣濃汁，非常滋味。山城回鍋肉豬腩肉炸到脆卜卜，加上椰菜辣椒大火炒過，香氣十足，跟平時食開嘅上海回鍋肉完全唔同，整體上比較乾身但味道鮮美好多，大愛喔！手撕雞冷麵麻辣手撕雞加上青瓜絲鋪上冰凍冷麵上面，面頭再淋上麻醬，濃濃嘅芝麻香味，令人胃口大開，食唔停口。第一次黎已經愛上這間麻辣餐廳..相信我倆好快又會再黎encore 多次。