影片
更多
2020-06-27
31 瀏覽
今日嚟到西環打邊爐，估唔到西環竟然有間坐得舒服，環境又好嘅火鍋店！呢間係樓上鋪，入到去勁寬躺，我哋兩個人坐呢個窗邊嘅卡位超闊落！啱晒情侶黎打邊爐，靜靜地又舒服。首先入到去服務勁好，有圍裙附送，唔驚整污糟件衫。而且服務員會即刻攞碗糖水話俾我哋暖下胃先！可以一路食一路等個爐滾。呢度點餐都好方便，係用QR code，而且所有食物都可以點半份，可以試多幾樣！湯底方面，梗係要試佢呢度出名嘅麻辣鍋，我哋點左鴛鴦鍋，另一款就揀咗豬骨湯底。(湯底 每位$38)見到啲辣椒鋪就滿晒，超級正！啱晒鍾意食辣嘅人！麻辣鍋嘅麻辣好香，不過真係幾辣架，但係食得好過癮，配牛肉食好正。豬骨湯就鮮甜，清清地。因為可以嗌半份，所以我地嗌左超多樣餸，勁豐富！🤩個人強烈推介嫩牛肉同埋大刀牛肝😋😋美國安格斯優質肥牛半份 $119曉宇嫩牛肉半份 $42牛肉部份我哋嗌左兩款，分別係肥牛同埋嫩牛肉。兩款都好新鮮而且有肉味，肥牛較為簿身，脂肪同肉嘅比例啱啱好，見到啲雪花紋就知。🤤嫩牛肉名副其名真係好嫩！好滑，易咬，完全唔un！性價比來講會推介呢款！真係好好食！👍🏻👍🏻手打三寶丸半份 $49三寶丸分別係墨魚，牛肉同埋蝦。個人最鍾意蝦滑，入
今日嚟到西環打邊爐，估唔到西環竟然有間坐得舒服，環境又好嘅火鍋店！
呢間係樓上鋪，入到去勁寬躺，我哋兩個人坐呢個窗邊嘅卡位超闊落！啱晒情侶黎打邊爐，靜靜地又舒服。
首先入到去服務勁好，有圍裙附送，唔驚整污糟件衫。而且服務員會即刻攞碗糖水話俾我哋暖下胃先！可以一路食一路等個爐滾。
呢度點餐都好方便，係用QR code，而且所有食物都可以點半份，可以試多幾樣！
湯底方面，梗係要試佢呢度出名嘅麻辣鍋，我哋點左鴛鴦鍋，另一款就揀咗豬骨湯底。(湯底 每位$38)
見到啲辣椒鋪就滿晒，超級正！啱晒鍾意食辣嘅人！
麻辣鍋嘅麻辣好香，不過真係幾辣架，但係食得好過癮，配牛肉食好正。
豬骨湯就鮮甜，清清地。
因為可以嗌半份，所以我地嗌左超多樣餸，勁豐富！
🤩個人強烈推介嫩牛肉同埋大刀牛肝😋😋
美國安格斯優質肥牛半份 $119
曉宇嫩牛肉半份 $42
牛肉部份我哋嗌左兩款，分別係肥牛同埋嫩牛肉。
兩款都好新鮮而且有肉味，肥牛較為簿身，脂肪同肉嘅比例啱啱好，見到啲雪花紋就知。
🤤嫩牛肉名副其名真係好嫩！好滑，易咬，完全唔un！性價比來講會推介呢款！真係好好食！👍🏻👍🏻
手打三寶丸半份 $49
三寶丸分別係墨魚，牛肉同埋蝦。個人最鍾意蝦滑，入面真係食到有蝦，足料！
當然三款嘅味道都唔錯，口感彈牙。
不過份量如果多啲就好😝
鴨血半份$42
鴨血配落麻辣鍋簡直係一流！
大刀牛肝半份$46
推介呢款！好特別出面比較少見！中間仲有個蛋黃，而且配送辣粉可以點。服務員教我地撈勻啲蛋黃，之後放落個鍋度，之後再掂啲粉食。牛肝好嫰，而且厚身啖啖肉，而且感覺食材好新鮮！
萵筍片 白蘿蔔 甜粟米 半份 ($22 $16 $18）
皇帝菜一份（$32）
蔬菜方面叫咗四款，比較特別嘅係萵筍片同埋皇帝菜。服務員教我地萵筍片放落鍋中10秒內攞上嚟，咁樣食會比較有口感！又脆又爽！
皇帝菜就唔係個個都接受，不過我哋兩個都好鍾意！超級新鮮，而且菜放落鍋中係超級入味！不過放落麻辣鍋就真係太辣😂
白蘿蔔同粟米就好甜。
羅漢果
因為麻辣鍋太辣嘅關係，我哋都係點左羅漢果飲。好好味，甜得來唔會太漏，而且非常解辣！順便清熱～
總括來講呢度啲食物好精緻，唔會話太大份，但係樣樣都好新鮮！
如果有時想食得舒服，享受個環境，黎個火鍋fine dining，依度係不二之選。🤩
張貼
