汀汀烤活魚 (已結業)

位於百寶利5樓嘅汀汀烤活魚，裝修係帶暗黑風格，加上好多霓虹燈，幾有特色～一心諗住黎食烤魚，店員推介先知星期一至四share佢地社交平台指定菜式有59折，折完個烤鉗魚鍋都只係$167😱 會唔會太平🤣上菜發現份量仲要勁多，有兩條魚，再加芽菜，蘿蔔，豆卜等配料😋條魚係先炸過，皮仲係脆嘅，而魚肉係出奇地超滑，食落幾新鮮😋 辣度揀左麻辣湯少辣，比想像中辣，似係平時譚仔小辣以上🫢 但辣得黎好惹味，又唔會蓋過魚嘅鮮味😋 另外再嗌左啲野食打邊爐，有蘆筍，紅薯粉，值得一提係個蝦丸幾好食，食到有蝦肉+幾彈牙👍🏻 個涼拌青瓜都幾好夠多蒜幾開胃😛總括嚟講，食物有質素，老闆娘仲要勁nice，性價比超高👍🏻 仲有間private room可以一路唱k一路食，推介一大班朋友聚會食飯👍🏻