沙嗲王 (已結業)

本身好鍾意食沙爹王♥可惜自己住嗰邊冇沙爹王，所以唔算成日食。每次去必點白咖喱豬扒飯/白咖喱豬扒米線加脆蝦棒或越南春卷♥今次喺銅鑼灣工作完，唔知食乜好。行經附近見到姐姐派傳單❤先記起原來好耐冇食沙爹王，難得嚟到一定要食❤由於都好耐冇食沙爹王，發覺原來餐牌已經轉咗。比以前多咗好多西式美食有多款不同口味嘅pizza同多左好多特色小食。今次發現咗白咖喱豬扒麻辣米線，決定一試❤香茅豬扒一如以往咁好味，肉質非常鬆軟。米線麻辣香味好出香濃嘅白咖喱汁與麻辣竟出奇地夾，不過個人覺得略為辣油過多，搶咗少少白咖喱香味♥整體來講都係十分惹味♥