掌門重慶麻辣火鍋 (已結業)

鐘意食辣的我成日週圍搵辣野食上星期又約左男朋友去食四川麻辣火鍋。呢間火鍋店充滿古色古香，仿似去左d庭園大宅食飯一樣，更感覺到濃厚嘅風味。前菜係一碟香辣腐皮，辣辣地好香口，開胃。掌門麻辣炸雞翼推介！雞翼超入味，辣味適中，而且皮脆肉嫩👍🏻重慶麻辣翡翠鍋(小辣)個鍋外觀好特別，係一個好大個而又富有傳統色彩嘅火鍋容器。個麻辣湯底雖然睇落好清、唔似麻辣火鍋，但裡頭有唔少香科，一開頭都唔覺得好辣，但愈煮就愈辣！非常爽！湯底裡仲有鴨血添其他火鍋材料都好新鮮。我地叫左芝士腸、土豆片、五彩鮮疏盤和極品西班牙黑豚肉，特別係d黑豚肉質素幾高，配個麻辣湯更加味道一流。埋單$500左右。個翡翠麻辣鍋絕對值！