爆汗串串 (已結業)

爆汗串串，見到個名都知道非常之辣，最特別竟然係一個放題，究竟我可以挑戰有幾辣呢？好，坐低睇吓有咩食先。呢度可以任食兩小時，麻辣串串必點，每一寸都滲透麻辣味，尤其是係豆腐干同娃娃菜，索晒啲麻辣湯，真係爆汗！蕃茄牛肉麵，雖然係麻辣湯底，依然食到濃郁番茄味，牛肉口感好軟身，幼身麵條，食落好滑好彈牙。麻辣鴨血豆腐，鴨血好爽，豆腐吸收晒麻辣味，好食！成都老冰粉，食麻辣點可以冇冰粉，係我最愛嘅甜品之一，冰粉滑滑嘅口感，涼涼地，解辣首選。加$30飲品任飲，叫咗豆漿夠濃郁！