十二味麻辣香鍋 (已結業)

嚟過幾次，寫番個食評，似乎人流早已不及當初。兩款小食，青瓜及木耳都好爽甜，味道調得剛好，清碟！我的完美組合，麻辣乾鍋（小辣），白飯及慾望酸梅。選麻辣，因為更有層次，如果香辣，即是少了一份味；餡料必配牛肉，份量夠；生根，因為吸汁；一兩款菜，因為要加濕潤，例如香菜；寬麵，因為爽滑煙靱；今次亦加了牛肉粒，但非常硬，尤其是無切粒的大件牛腩，既唔肥亦炒到過乾硬；粵式香腸，可以的，視乎口味。白飯加上黑芝麻，賣相好，而且可以減辣，非常匹配。慾望酸梅售$26，檸樂要$18，前者大杯好多抵啲，作用亦是減辣。可惜今次的小辣真的太少辣，同以前唔同，咁啲辣度，中辣我都食倒！水準差咗啲！