魚鈁 (汝州街) (已結業)

珍寶紅豆沙冰（$35）超大杯，啱哂用嚟打卡。沙冰有紅豆味但唔算太濃，味道唔會好甜，夏日炎炎飲就最爽。麻辣魚春併魚卜煲（$132）呢度嘅招牌菜之一。要咗少麻少少辣（下次可以各升一級）；魚春煎香再煮，幾香口，只有好少量魚腥味（完全接受到）；魚卜爽口，冇魚腥味；墊底有白蘿蔔條、青瓜條、薯仔條，索哂湯汁味。唔算大煲但份量尚可，味道亦不錯。另外專登要咗個白飯（$12）撈嚟食。啫啫雞（$98）味道夠濃，但鑊氣爭少少。雞件約十件，另外有豬肝（爽口）、冬菇、青椒、洋蔥頭（夠甜）。生煎菜肉包（$42）外層包皮煎得唔夠香口，裡面菜肉餡料普通。貪得意點麻辣煲啲湯汁嚟食，辣辣哋又幾好味。PS：另收加一服務費。