牛壹台食 (已結業)

今日同個朋友仔放工，黎個快快食，好耐冇食過台灣野，係軒尼絲詩道食呢間牛壹台食都好啊，食完又方便搭車。好，坐低睇下有咩好食先。麻辣鴨血配冬粉，湯底夠麻夠辣，鴨血大大件，食落又滑又爽，個豆腐索左湯底好惹味，原來冬粉就係台灣粉絲，比起香港嘅食落煙韌點。特濃鮮茄牛腱心牛肉麵，鮮茄湯好濃郁，牛肉厚切得黎夠腍，個關廟麵幼麵食落都彈牙。海苔鹽酥雞，剛剛炸起，唔厚粉，卜卜脆，上面個海苔味都特岀。飲品就叫左柚子茶和蘋果桂花茶。原來係九龍灣都有分店，係宏照道6號鴻力工業中心B座地下B4A舖，下次唔使岀港島都可以再食。