繼光香香雞 (上水中心) (已結業)

依間外賣店好大間，一行過就聞到香噴噴，即刻試吓先😋 🥳套餐「必點組合1」$531號餐除了有店家招牌人氣香香炸雞之外，仲有香脆樂薯。炸雞見住佢即炸，🤤真係香氣四溢～趁熱食最正，咬落去都幾嫰，唔會食到成咀都係油，而且仲好入味添。另外配咗杯「桂香酸梅湯」，酸梅味好香，不過，個人覺得有少少甜。🥳青白椰菜花 ＄24是台灣人氣小吃🥦有綠色同埋白色椰菜花，啱啱炸出嚟，特別香口😋🥳 酸甜炸脆魷 ＄39 本身就好鍾意食炸魷魚🦑，魷魚好鬼彈牙又有鮮味，呢個仲配埋泰式酸甜醬，沾來食特別好味。🥳麻辣鴨血餐＄55（特別推介👍🏼）依個超抵食！鴨血有3大塊，每塊都好滑溜入味。跟餐可以選2款配料，我選了甜不辣條同埋香菇貢丸，然後可以配埋麵食（王子麵/烏龍麵/冬粉）。好鍾意佢個湯底，都算辣但係唔會辣到噴火😋 係麻而不辣嘅感覺，湯底原來係獨門麻辣配方，用咗成13種香料調製，好香。