米線伝

營業中

休息中

天氣熱辣辣，食返碗酸辣米線就最好不過，九龍城新開嘅「米線傳」～配料及小食都好多選擇味道不錯！湯底有麻酸辣、番茄麻酸辣及清湯三款。麻酸辣米線🍜$32 番茄麻酸辣米線$35即叫即煮都要等下，酸辣湯底味道濃郁，原來係豬骨湯底，再加上不同客人要求的麻酸辣程度，調味到位，今次點了BB辣略嫌唔夠辣，所以下次可以小辣會更惹味，湯底仲有大量肉碎，米線好幼細又夠滑，腩肉肥瘦適中、雞翼滷得好淋好入味、牛丸爽彈、蘿蔔豆卜吸收哂湯汁食得更加滋味。最後食埋懷舊冰菠蘿 🍍$7超正。