正 麻辣·茶·雲吞 (已結業)

個日放左學無野做，突然又想食啲凍野，跟住係街見到有麻醬撈麵就激起左我好想食呢樣，於是就上網搵下附近有咩食，見到呢間有咁多好評於是就決定黎呢到試下，一入到去呢間鋪頭都幾骨子，細細間好整齊既感覺，好明顯分開左廚房同餐廳兩部分，佢地用open kitchen而且一入到去老闆娘就好好招呼，好有禮貌，打開餐牌個價錢都幾親民，平均一碗麵太概係40蚊到，仲配埋一樣餸，我今次就試左麻醬雞絲青瓜拌麵，一上枱就見到好大兜，麻醬稍嫌可以多啲，雞絲同青瓜仲有麵既份量都好多，啱曬啲中意食餸既人，見到佢啲野飲都幾吸引，下次應該會再去試下，推介住附近既居民得閒落去食下！