影片
更多
2014-05-03
3328 瀏覽
幸得客戶好客，今餐午飯來到駿景閣食，有叫點心，有叫川菜，仲有甜品，作為辣椒小姐嘅我，重點當然係寫川菜啦！客戶叫咗水煮魚，夫妻肺片，口水雞，拍黃瓜。 拍黃瓜係切嘅，撈上蒜泥，平平淡淡！夫妻肺片size比想像中大碟，但味道只可以叫合格！較為出色嘅係口水雞，雞鮮又嫩又滑，紅油醬汁另上，可當白切雞食又得，點醬後成了口水雞又得，得咗! 但價錢都幾貴，半隻要$249, 全隻收到差唔多$500, 可能用上鮮雞，所以收得貴，但真係好食， 都值得！最尾介紹係水煮魚，上枱前侍應已將魚上面嘅辣椒"畢"起，所以我都未嚟得切見佢全相，唉！呢個魚整體好好，偏重麻味，辣度溫和，我鐘意,而且魚片又滑又大塊，應該係大桂花魚，所以魚片可以啖啖肉，完全冇骨，啱晒唔識食魚嘅客人。但美中不足係欠缺香味，上枱一啲香味都冇，未能即時刺激食慾. 最後食嘅擔擔麵唔太合格，冇咩味，太多湯。 反而值得一提係佢嘅辣椒油，一般會係豆瓣醬/xo 醬，但呢度係野生椒碎加辣椒碎，好好味，辣度夠，配點心一流，抵讚！
客戶叫咗水煮魚，夫妻肺片，口水雞，拍黃瓜。
拍黃瓜係切嘅，撈上蒜泥，平平淡淡！
夫妻肺片size比想像中大碟，但味道只可以叫合格！
較為出色嘅係口水雞，雞鮮又嫩又滑，紅油醬汁另上，可當白切雞食又得，點醬後成了口水雞又得，得咗! 但價錢都幾貴，半隻要$249, 全隻收到差唔多$500, 可能用上鮮雞，所以收得貴，但真係好食， 都值得！
最尾介紹係水煮魚，上枱前侍應已將魚上面嘅辣椒"畢"起，所以我都未嚟得切見佢全相，唉！
呢個魚整體好好，偏重麻味，辣度溫和，我鐘意,而且魚片又滑又大塊，應該係大桂花魚，所以魚片可以啖啖肉，完全冇骨，啱晒唔識食魚嘅客人。但美中不足係欠缺香味，上枱一啲香味都冇，未能即時刺激食慾.
最後食嘅擔擔麵唔太合格，冇咩味，太多湯。
反而值得一提係佢嘅辣椒油，一般會係豆瓣醬/xo 醬，但呢度係野生椒碎加辣椒碎，好好味，辣度夠，配點心一流，抵讚！
張貼
