彩晶軒 (已結業)

彩晶軒可算數一數二既酒樓，但今日與家人共聚午餐，食完都唔會再幫襯冇咩特別的話。黑松露北菇燒賣皇完全冇松露既香氣，燒賣肉質鬆散，冇乜鮮味。家鄉咸水角外層粉漿超厚，而且入面冇乜餡料，好似食舊炸粉咁。小籠包其中一款較好少少既點心，湯汁豐富，皮薄，肉餡頗濃薑絲味。鐵板黑椒金錢肚金錢肚用錫紙保溫，就算好遲食都仲熱辣辣，幾香黑椒味，但金錢肚有啲腍得制。豉蒜蒸鳳爪鳳爪味道不過不失，蒜味一般。牛肉球牛肉唔算好滑嫩，仲有冇乜牛肉味，只有我食左一個，家人都冇乜興趣食。紅燒百花釀茄子蝦膠非常鹹，同茄子完全分離，茄子則淡而無味。柚子雞中翼酸酸甜甜，香脆十足。淮山帶子餃完全食唔到淮山，只有一小粒帶子，馬蹄佔滿餃子。蝦餃蝦餃係就係幾大粒，但係蝦冇鮮味，食落淡茂茂。乳鴿脆卜卜，但冇咩肉，食完表皮就冇咩可以食。鮮蝦腐皮卷腐皮炸得乾爽，冇咩多餘油份。