港味

營業中

休息中

今日晚餐去左食港味。🤔我地叫左個孖寶，包括薑汁炒芥蘭同脆皮乳豬件。個芥蘭炒得唔錯，好香又唔會好冧😝，雖然有好多薑碎，但係整體薑味唔係太重😉。個脆皮乳豬件都唔錯，乳豬皮都幾鬆脆👍🏻，塊皮又真係幾薄，薄到佢唔會有好多肥🥳。個鹽燒6頭鮑魚係燒得幾靚既，而且成碟小菜個賣相都唔錯😍。可惜唔知係咪燒得太耐，個鮑魚比較乾，唔會有 Juicy 既感覺，食落比較硬😅。而佢個咕嚕蝦球真係麻麻地😕，一黎唔多蝦球，二黎 D 蝦唔新鮮，而且食落去炸粉比較多😖。反而個 D 菠蘿同青椒仲比佢更好食🤭。整體而言，以中式晚市黎講，港味唔算貴，但水準就比較一般🤫，下次應該會去試下其他中菜廳🤷🏻‍♀️。