花園餐廳 (已搬遷) 新店位置

今日同朋友去左觀塘花園餐廳食lunch，我地叫左一A一B，我揀左美國煙肉雞扒配茨菜丶羅宋湯丶凍啡。餐包都叫做軟，牛油唔會硬實實，羅宋湯都幾多菜，味道唔會好稀，一般港式西餐feel。美國煙肉雞扒原來是配了港式西汁，所謂港式西汁就係蕃茄汁加上其他調味料加水加少少芡煮出來的sauce。煙肉有煎過，雞扒好大塊，有手掌咁大，唔算煎到好乾，不過係唔熱，同埋加埋個西汁食落好咸=.=伴碟的炸薯條丶粟米粒同埋小棠菜幾好食。凍啡真係好淡又少奶=.=整個lunch可以話係好有舊港式西餐feel，唔可以話啲食物水準差，只能話未必切合這個年代。侍應方面大至上都ok，只係零零捨捨負責我坐果區的侍應小姐好似唔想做咁，板起塊面仲下下比錯食物=.=!