Pondi

營業中

休息中

同幾位朋友去呢間嘢食飯點咗八碟菜嘅tasting Menu，每一道菜都普普通通，就係燒牛柳咖喱雞hummus嗰啲普通嘢，係個魷魚蜆差啲因為成碟嘢都有好多沙，同個侍應反映佢就話呢啲係新鮮嘅蜆，所以係會有沙，笑咗。開咗三支白酒，選擇唔多都係偏淡味易飲嘅白酒。反而印象最深刻嘅係佢哋啲服務，可能係小店啦，咁佢哋做兩輪一晚，預約時間係夜晚8:30食八道菜就食得急啲囉，基本上一坐低連傾偈嘅時間都冇，就會逼你係咁食嘢，叫佢啲菜上慢啲，佢就話個廚師一早已經煮定好晒，所以冇辦法推遲，再加埋我哋飲酒，時間都幾急去到10點個侍應就話要上甜品，因為佢要趕趕住10:30走，但係我哋嗰啲咖喱飯都未食完，最好笑佢問我係唔係想打包，笑死，要有幾蠢先至會去呢間嘢再食多次哈哈。