百芳池上便當 (V City)

營業中

休息中

收工約老友食晚餐，佢推薦食呢間台式便當餐廳，話晒都好耐無食過台灣野，試下都好，行到門口都好多人賣外賣，店員都好忙，堂食都幾多人，去到見到有位但又唔見店員安排坐位，見佢地都好忙所以都唔怪得咁多既。入去坐底位與位之間都算迫，睇下餐牌主要都真係台式便當風格，都係炸豬排雞排，雞腿同鹽酥雞之類。鹽酥雞肉燥熱伴麵，麵偏腍，肉燥都係台式魯肉果隻半肥瘦，味道還可以，鹽酥雞粉幾厚，無乜味，椒鹽落得唔多夠，幾油膩。半筋半肉牛肉米粉，用返台灣新竹米粉，湯底少少辣，老友話唔錯。叫滷水小食拼盤，有2隻滷蛋，3隻雞翼同d豬手，豬手細舊骨多無乜肉食，雞翼同滷蛋普通無咩特別。整體上一般般，價錢當然就比較貴，食台灣野可以有更多更好既選擇。