串串貢串燒專門店 (已搬遷) 新店位置

同朋友係天后漫無目的咁搵食,見到間叫串串貢的店子, 商量一陣就決定幫趁, 我地叫左桂花蜜糖番茄、羊架、生蠔、燒腎、蝴蝶蚌、脆脆雞皮、黑糖菠蘿串、燒年糕, 仲有好幾款, 再加三罐啤酒, 第一個送上來係桂花蜜糖番茄, 番茄加上蜜糖桂花, 酸酸甜甜, 作為前菜, 十分開胃醒神, 同朋友都好滿意, 心想冇入錯黎, 誰不知跟住上來各式肉串, 樣樣都乾爭爭, 號稱脆脆雞皮的雞皮,一啲雞皮油香都冇, 乾到似柴皮, 生蠔暧笠笠, 一啲都唔熱, 食食下都怕會肚痛, 蟹蓋係交返來的貨色, 係咁意烘烘佢就拎出來俾人食, 燒年糕又係一啲都唔熱, 硬掘掘咁, 講真真係樣樣都唔滿意, 埋單兩個人食左二百八十幾, 仲要只係得半飽, 呢間店應該都唔會有下次了, 出到門口至醒起, 近天后地鐡站有間好似士多的燒烤小店, 上次係華姐清湯腩食唔飽時誤打誤撞去食過, 記得味道不錯, 決定同朋友行去再去食過!!