老富昌色彩 (已結業)

經過多次依間餐廳，不過都無入過去食，今次行到累，門面裝修係有d色彩，價錢又唔貴，就是走左入去試下! 八點幾唔洗排隊，不過差不多全場滿座，心諗都唔會好差啩…4大1小，點左3個餐組合，一個餐都有4款食物飲品，好似幾平，又可以share一齊食! 點餐至追order，服務員都係無咩笑容，可能大家都做左成日太累，所以我地無埋怨!首先3個餐湯到，分別係蕃茄湯，牛尾湯及南瓜湯! 牛尾湯，好濃好”杰”，味道一般，蕃茄湯好稀一般，南瓜湯無飲所以唔知道! 小食點左雞翼，三文魚凱撒沙律及蒜蓉包4件(忘記影相)! 雞翼大約得3隻，不過廚師把雞中翼再一分為二，變左6隻好似多左，雞中翼唔好咁炸就更好，點左醬汁先好味，我覺得係個醬好味過雞翼! 三文魚凱撒沙律的煙三文魚少得黎碎，沙律菜又唔太新鮮! 蒜蓉包(忘記影相)好香脆，不過有d焗得耐左! 熱食有什菜，咖哩豬扒飯和千島醬海鮮pizza! 什菜同名一樣好什，而且唔新鮮!! 咖哩豬扒飯就熱辣辣唔錯，炸豬扒外層炸得剛剛好，不過豬扒內層比較乾身，完全無肉汁，咖哩唔辣啱我! 千島醬海鮮pizza係薄身，焗得剛剛好，海鮮唔多得魷魚可見到，不過上層舖滿千島醬先加番分! 飲品依個