蜀香門第 (已搬遷) 新店位置

上次經過都想試一試, 今次經過就真係試左。原本以為都幾正宗, 但係原來真係好一般。呢間餐廳好細間, 可能坐十五人已經係full 晒。所以好窄好逼。我地當日去到, 都有兩檯人, 不過都係一個人泥食lunch既。我地兩個坐低左之後, 好快就order 左野食, 食物亦都好快送到。肥腸麵我落單既時候已經講左走青, 佢覆我地單既時候都有再講多次走青。但送到來係無走青, 我地話叫左走青, 但佢好似好驚訝甘, 叫後面廚房撩走D青。我地都好驚訝, 岩岩先落單又confirm多一次, 前後隔左最多一個字, 甘都可以吾記得? 肥腸係好食既, 不過真係好少。 而個湯底都好香, 好味, 不過就吾辣既。我地要自己加辣。但係我地order 既時候佢問我地要咩辣, 我地講左中辣...尖椒皮蛋吾好食, 個皮蛋吾靚。食落去好死實。個調味又吾好味。呢個餃子好味, 食得出個餡料係新鮮既。好有豬肉既鮮甜味。不過份量有D少。我地食左大約九個字, 發覺個店員定老闆落錯左幾次單, 好似宿醉未醒甘。