永樂餃子店

營業中

休息中

永樂餃子店，當然主打餃子，餐牌上除咗餃子同餃子麵只有兩三款小食。呢度特別之處係餃子唔係白灼或普通雞湯底，而係花膠淮山豬骨湯或者酸辣湯底。我叫咗白菜餃拼芹菜餃，$48 +2 （雙拼）= $50，配花膠湯底。餃子總共有8粒，size 一般唔算細，但唔算飽滿所以比例上皮略多，餡料唔叫好豐富，同埋唔係好 juicy。但最大問題係個人認為調味太重，湯底同樣比較鹹，就算有鮮甜味都被遮曬。總括而言唔推介，下次想食餃子寧願試下附近東北菜。