無邊 (已結業)

銅鑼灣黃店西餐，食物款式吸引，味道服務中等水平，但衞生有待改善。 見到好多唔太衞生嘅場景：食完嘅盤放喺度好耐都唔收、跌咗野無清潔照放翻喺枱面、抹枱將啲野抹落地下成地都係😆雖然你係小店，但見到咁都幫你唔落。如果輕輕改善下衞生，觀感應該好好多😁。 餐湯🥕（飲唔出咩湯😆）溫度唔夠熱🥣味道有啲酸😁麻麻地。 蒜蓉包😁好脆好香🍞🍞有啲橄欖油味好香。 菠菜雜菌意大利飯 🥬🥘呢個我好鍾意🤩🤩雖然份量就少咗啲。但係都好creamy, 上面有好多芝士粉好香🧀。個菇都幾香😄。 三女神漢堡🍔🍔🍔個樣都好適合打卡，一次可以試哂3款口味。不過就有啲細個。建議試下正常size嗰啲。檸蜜🍋檸檬味好重，蜜味比較微。 玉蝴蝶🦋牛油果香蕉奶昔🥑🍌個色就唔係好啱打卡，亦都唔夠creamy，味道比較甜，香蕉味出🤭牛油果味唔係好覺，但有啲牛油果粒。