滑蛋仔 (已結業)

今日eatmug9 #72要知一間舖頭受唔受歡迎除咗嘢食嘅質素佢嘅定位同口碑都好緊要好多街坊都有留意同支持依間舖(好人一生平安)去親都見到一大堆人喺度買飯即使要等得耐都無阻支持者嘅決心👍👍👍依碟係招牌嘅牛魔王滑蛋仔飯雖然都要六十幾蚊但食完你就覺得抵返晒先講份量中中庭庭 對於大食嘅我都覺得足夠到個主角大塊嘅薄切牛肉 出色冇煮過隆 有咬口又唔會太韌滑蛋故名思意 真係夠晒綿同滑可惜蛋味略有不足整體嚟講可以一戰💨留意返依間滑蛋仔喺夜晚6點營業6點前喺第二個老細