魚樂一番 (已結業)

今日難得收早，就喺黃埔附近搵食，見到呢間裝修唔錯，個名又幾得意就嚟咗食。 原來係食花膠，正啊。而家凍凍地要潤一潤🤣🤣仲有外間充電借，唔洗驚電話冇電！我就叫咗c餐，花膠燉雞鍋麵。 一嚟到已經聞到好香，用石鍋上可以keep到個熱度。湯底好足料，濃得嚟唔係得個鹹字，唔錯！最驚喜係真係有兩大塊花膠👍🏻👍🏻出面好多都係話花膠湯，但呢間真係有大大塊比你見到🤣即刻覺得抵晒😂😂 飲品叫咗羅漢果茶，甜度適中，好飲又夠晒養生，唔錯！