厚福館 (黃埔天地) (已結業)

黃埔愈來愈多唔同既火鍋店，今次見呢間好似唔錯，要善待自己個肚。海鮮二人盛宴（$1188)海膽刺身個海膽幾鮮甜，幾厚肉地。佢用左隻匙羹裝住，都好大隻，再夾埋紫菜，個鮮味更加突出🤤加拿大A級野生蚌刺身爽脆彈牙好脆，雖然味道較淡，但都帶有鮮甜味。火鍋配料都幾豐富🤤入面有特盛鮮活海鮮併盤，有龍蝦、海蝦極、鮑魚、海蜆四款，鮑魚好生猛😆仲郁郁下！鮑魚幾厚肉地爽口，龍蝦肉質鮮甜👍🏾騸牯肥牛/手切牛頸脊呢款牛肉雙併十分推介🤩即劏騙牯肥牛，同手切牛頸脊。肥牛肉味香濃嫩滑，牛頸脊油花均勻，食到肉味同油脂香嘅平衡。值得點！招牌手工丸餃拼盤餃子款式唔少，有黑松露餃、韭菜餃、鮮蝦丸、墨魚丸。鮮蝦丸口感彈牙，韭菜皮薄餡多，黑松露餃幾特別，黑松露味好香，推薦！雜菜拼盤及讚岐手打烏冬，兩樣索晒海鮮湯底既精華，輕輕焯焯就已經好入味。最後食埋個曲奇雪糕🍦劃上完美句號。