泰妹餐廳 (已結業)

是日到黃埔搵食，放假想chill下relax d，就自不然想食泰菜，在香港開的泰國菜好多都係泰國人開質素頗高，上網睇呢間有4間分店，決定一試。泰式生蝦$98個價錢就係貴在有個好靚既擺盤，生蝦配蒜真係好夾，但我唔太喜歡呢個汁醬，對比傳統泰式生蝦酸辣汁差左d青檸汁同魚露，唔夠酸味。原個菠蘿海鮮炒飯$98好大份好足料，暗藏非常多菠蘿以及蝦、魷魚等海鮮，可能海鮮始終會出水，炒飯非常濕身，本人比較唔喜歡，但相對會非常頂胃同飽肚。炭燒豬頸肉$68唔好睇佢細細碟，豬頸肉有2層，應該有20塊，好抵食。