早安越南 (已結業)

Item: 早安越南
Rating: 5
Author: Too Full For Food

Chao Chao

282 食評

味道

環境

服務

衛生

抵食

4544

紅磡

$101-200

越南菜粉麵/米線串燒

214

Too Full For Food

等級3

越南菜酸酸甜甜，炸物夠香口惹味，湯河夠晒滑溜，間中諗起都想食返餐！最近小編搵到一間位於黃埔美食坊嘅越南餐廳－－，裝潢別有格調，食物品質又高。齊齊跟住小編，體驗下越食越滋味嘅感覺啦！餐廳裝潢較為型格，用色以暗色調為主，配以搶眼黃色櫈，非常吸引視線。平時小編都幾鍾意食軟殼蟹，鍾意佢外皮鬆脆，連埋蟹肉蟹膏入口感覺飽滿，唯一一個缺點係較易令人覺得膩。如果同小編一樣鍾意食軟殼蟹但係怕膩怕滯，就一定要試下啦！米紙卷嘅外皮非常薄，入口完全唔黐咀，薄薄嘅米紙卷包住生菜，再包住炸過脆卜卜嘅軟殼蟹；然後再配埋生菜、青瓜、紅蘿蔔絲等等蔬菜，入口感覺非常清新而唔膩。小編身邊好多大朋友都鍾意食黃金蝦，鍾意意頭好賣相好，入口又香口惹味。唯一最麻煩就係一食就好易爆Quota，既然決定要爆，梗係要爆得抵啲、食得好啲！大家可以試下，沾上咸蛋黃嘅中蝦，入口好爽身帶鹹香，蝦肉入味，賣相好金黃靚仔，即使係比家中長輩偷食一兩隻都好值得。無論去到邊，身邊都仲會有一個雞翼控，雞翼嘅魔力真係不容忽視！如果想食酥脆可口嘅風味，試試啦！炸漿唔厚身入口唔會過硬，加上蒜蓉粒粒，口感好豐富，入口除咗酥脆之外仲帶少少蒜香惹味，難得嘅係仍然保持到

越南菜酸酸甜甜，炸物夠香口惹味，湯河夠晒滑溜，間中諗起都想食返餐！最近小編搵到一間位於黃埔美食坊嘅越南餐廳－－，裝潢別有格調，食物品質又高。齊齊跟住小編，體驗下越食越滋味嘅感覺啦！

53 瀏覽

0 讚好

0 留言

餐廳裝潢較為型格，用色以暗色調為主，配以搶眼黃色櫈，非常吸引視線。

平時小編都幾鍾意食軟殼蟹，鍾意佢外皮鬆脆，連埋蟹肉蟹膏入口感覺飽滿，唯一一個缺點係較易令人覺得膩。如果同小編一樣鍾意食軟殼蟹但係怕膩怕滯，就一定要試下啦！米紙卷嘅外皮非常薄，入口完全唔黐咀，薄薄嘅米紙卷包住生菜，再包住炸過脆卜卜嘅軟殼蟹；然後再配埋生菜、青瓜、紅蘿蔔絲等等蔬菜，入口感覺非常清新而唔膩。

小編身邊好多大朋友都鍾意食黃金蝦，鍾意意頭好賣相好，入口又香口惹味。唯一最麻煩就係一食就好易爆Quota，既然決定要爆，梗係要爆得抵啲、食得好啲！大家可以試下，沾上咸蛋黃嘅中蝦，入口好爽身帶鹹香，蝦肉入味，賣相好金黃靚仔，即使係比家中長輩偷食一兩隻都好值得。

無論去到邊，身邊都仲會有一個雞翼控，雞翼嘅魔力真係不容忽視！如果想食酥脆可口嘅風味，試試啦！炸漿唔厚身入口唔會過硬，加上蒜蓉粒粒，口感好豐富，入口除咗酥脆之外仲帶少少蒜香惹味，難得嘅係仍然保持到雞肉嫩滑汁豐！

唔知食乜好？呢個入面包咗五種食物，樣樣都好有特色！扎肉清清地帶香，入口感覺滑溜。炸蝦餅外皮脆脆地，蝦肉十分之彈牙，同一般食嘅蝦餅唔同，入口比較薄脆唔會膩，又好爽口！至於蒸粉包，佢入面係包住鮮蝦同埋豬肉餡料，十分足料，外皮煙煙韌韌，再加上蔥蒜，十分惹味。香茅雞翼外皮好脆，香茅味好香，size都算大，食落啖啖肉又有肉汁。春卷亦炸得非常香脆，餡料多多，蘸上不同醬汁更有不同風味。整個拼盤好值得一試！