谷芋 (已結業)

芋霸布能($32)厚厚既芋泥下有芋圓同豆花，再加上豆奶，好豐富好飽肚，係飲得到既糖水阿！店長話芋泥係每日新鮮人手打，非常厚實，仲有粒顆！芋泥好有芋香，味道天然。今次忘記了叫少甜，但正常糖都唔太甜剛剛好。由厚實既芋泥，到Q彈既芋圓，到底滑溜既豆花布甸，好有層次，岀奇地飲完都唔會覺得好濟！不過芋泥比較多，豆奶比較少，咁飲到尾就唔會得返芋泥好難啜上黎。另外芋圓雖然Q彈，但三色都係冇乜味，建議可以試下珍珠。除左芋泥系列，仲有好多款飲品。店鋪以粉紅為主調，而且放滿卡通公仔，充滿少女心。店內放左部夾公仔機，客人可以免費做會員儲積分換代幣玩，經過可以入去坐下飲返杯。