影片
更多
2023-09-13
14 瀏覽
厚福館📍紅磡必嘉街121號黃埔天地奇妙坊(第1期)地下G9號舖🌄環境環境相當闊落，檯與檯之間有好多位，食物唔會擺到好逼，環境幾乾淨，唔會有一般火鍋店油膩嘅地面同台面。💙食物我哋今日嗌嘅餐係$1188嘅海鮮二人盛宴～品項十分豐富，有海鮮有肉，我哋食得勁飽！💚 刺身🪸 時令海膽刺身(2匙)本身以為兩匙最多係好似海膽壽司上面嗰啲咁，點知係一匙兩大舊完整嘅海膽，成隻手指咁長，的確係有啲驚喜嘅，呢到嘅食法係就咁用紫菜包，好少餐廳可以對自己食材咁有自信，用咁原始嘅配料，海膽嘅原汁原味，極有層次嘅鮮甜完整咁爆發喺我口中，用脷慢慢磨佢，更加可以感受到嗰種濃厚嘅甜味，好正！🐚 加拿大A級野生蚌刺身 (12片)呢個我都好推薦，佢有分開裙邊同蚌肉，兩個係唔同口感的，裙邊改咗花刀，好脆好脆，但味道較淡；蚌肉好薄，脆中帶韌，但更加鮮甜啲，我鍾意蚌肉多啲，但我frd鍾意裙邊多啲，不過好處係，你唔需要選擇，兩樣都會畀晒你～🩵 火鍋火鍋我哋嗌左清湯，因為有人喉嚨唔舒服想食清淡啲🥲當然你可以加錢嗌唔同湯底，我見到足足有19款湯底可以俾你揀，任君選擇～🦞 特盛鮮活海鮮拼盤呢個拼盤頗為豐富，有蟹腳、蜆、龍蝦、聖子、鮑魚等😍
📍紅磡必嘉街121號黃埔天地奇妙坊(第1期)地下G9號舖
🌄環境
環境相當闊落，檯與檯之間有好多位，食物唔會擺到好逼，環境幾乾淨，唔會有一般火鍋店油膩嘅地面同台面。
💙食物
我哋今日嗌嘅餐係$1188嘅海鮮二人盛宴～品項十分豐富，有海鮮有肉，我哋食得勁飽！
💚 刺身
🪸 時令海膽刺身(2匙)
本身以為兩匙最多係好似海膽壽司上面嗰啲咁，點知係一匙兩大舊完整嘅海膽，成隻手指咁長，的確係有啲驚喜嘅，呢到嘅食法係就咁用紫菜包，好少餐廳可以對自己食材咁有自信，用咁原始嘅配料，海膽嘅原汁原味，極有層次嘅鮮甜完整咁爆發喺我口中，用脷慢慢磨佢，更加可以感受到嗰種濃厚嘅甜味，好正！🐚 加拿大A級野生蚌刺身 (12片)
呢個我都好推薦，佢有分開裙邊同蚌肉，兩個係唔同口感的，裙邊改咗花刀，好脆好脆，但味道較淡；蚌肉好薄，脆中帶韌，但更加鮮甜啲，我鍾意蚌肉多啲，但我frd鍾意裙邊多啲，不過好處係，你唔需要選擇，兩樣都會畀晒你～🩵 火鍋
火鍋我哋嗌左清湯，因為有人喉嚨唔舒服想食清淡啲🥲當然你可以加錢嗌唔同湯底，我見到足足有19款湯底可以俾你揀，任君選擇～
🦞 特盛鮮活海鮮拼盤
呢個拼盤頗為豐富，有蟹腳、蜆、龍蝦、聖子、鮑魚等😍全部都勁新鮮，我其中尤為推薦龍蝦、鮑魚同蜆，龍蝦你見到係有膏嘅，勁香！蝦肉都毫不輸蝕，十分彈牙鮮甜！鮑魚一定要煮多陣，我frd咬頭一啖覺得有啲韌，再煮多幾分鐘就變軟熟好多，彈牙而不韌，肉好厚好鮮甜～蜆就冇沙，好滑好正～～🐮 鎮店即劏騸牯肥牛 （邊抓位&手切頸脊）
牛肉顏色鮮紅，係睇圖都睇到嘅新鮮，手切頸脊嘅雪花比較均勻啲，比較可以食到肉味同油脂香嘅平衡，較為嫩啲，而我自己就鍾意邊抓位，貪佢油脂比較多，更加香～🍡 火鍋配料拼盤
入面有黑松露餃、韭菜餃、鮮蝦丸、墨魚丸，每樣兩粒，全部都係合格以上，但我想重點推薦鮮蝦丸，十分彈牙，並且保留咗啲蝦粒，增加咗口感，本身味道都好鮮甜，而韭菜餃都好好，皮薄餡多，韭菜十分鮮美，推薦！🥬 雜菜併盤
入面有萵苣、白菜等，食咗咁多肉類海鮮，嚟啲菜都不錯，都係新鮮菜，幾正的～🍜 讚崎手打烏冬
烏冬很彈，喺最後食，添飽一下，十分滿足～🍨 雪糕任選兩球
我哋要咗曲奇雪糕，仲送咗兩支朱古力餅乾，好c伏～
張貼
