素年 (黃埔天地百寶坊)

營業中

休息中

同朋友喺黃埔行街行到咁上下，搵下附近有咩餐廳食個tea，朋友發現呢間係素食餐廳之後，就揀咗呢間，朋友鍾意影相打卡，所以呢間餐廳啱曬佢，餐廳採用落地大玻璃，採光度十足，舖頭好光猛，座位寬敞舒適，紫蘇鮮薑青森蘋果汁 - $48飲得出有紫蘇葉嘅香味，幾有特色，出面冇飲過，仲有鮮薑嘅味道和蘋果汁的清甜，非常值得一試，炸香芋蕃薯波波 - $38應該係即叫即炸，外皮脆卜卜，內裡係軟滑嘅香芋同蕃薯，餡料不會過甜，正！牛油果多士焗大啡菇全日早餐 - $138全日早餐有椰菜花、鹽酥粟米條、沙律和旋風薯片，牛油果的質素很好，顏色又翠綠，軟硬度剛剛好，鹽酥粟米條炸得酥脆，很惹味，雖然全都是素菜，但其實整個全日早餐都好足料好豐富，好足夠飽肚，宇治金時豆腐撻 - $58實物擺盤漂亮，綠茶味道濃沃，配上微甜的豆腐和紅豆蓉，味道更豐富，而且不會過甜，是非常出色的一道甜品。總結：餐廳環境舒適，坐得好舒服，打卡一流，飲品和食品的質素也頗好，而且都是素食，很健康，店員的招呼亦很親切，適合情侶拍拖食飯，或者朋友聚會聊天。