影片
更多
2018-09-28
94 瀏覽
難得老公中秋節可以放早, 我地約左收工係黃埔站等, 睇場戲再撐枱腳食返餐慶祝中秋。老公訂左呢間係黃埔新天地美食坊嘅名館, 名館我同姊妹之前係中環分店食過, 食物有特式, 環境又靚, 所以我對今晚呢餐都非常期待。我地睇完戲先係6點, 不過都已經肚餓, 所以就早d去餐廳, 因為時間太早, 客人仲未多。餐廳環境光潔明亮, 座位寬敞舒適, 廚房採用開放式設計之餘, 安裝左玻璃隔開油煙, 可以一邊睇師傅備餐, 又唔駛怕油煙味, 讚。除左普通點餐紙之外, 黃埔呢間名館晚市仲提供多款優惠套餐, 價錢都幾實惠, 我地點左一客燉湯同幾款食物share, 兩個人食6樣野, 應該好夠食。糖心黑蒜燉響螺 $58響螺湯係我最愛嘅湯款, 呢款糖心黑蒜燉響螺湯頭超鮮甜, 響螺好大件, 加上黑蒜, 雞肉同豬肉, 兩個人分都好滿足。陳醋珊瑚紅海蜇頭 $58紅海蜇頭配上青瓜絲, 口感爽脆, 醬汁微辣, 味道清爽自然。黑金流沙包 $48老公好鍾意食流沙包, 呢個黑金流沙包賣相好吸引, 奶黃餡料非常流心, 味道香甜外軟內滑, 老公大讚。 水蜜桃咕嚕肉 $78平時我地食咕嚕肉最怕係菠蘿太酸, 名館呢款咕嚕肉配以香甜嘅水蜜桃,
我地睇完戲先係6點, 不過都已經肚餓, 所以就早d去餐廳, 因為時間太早, 客人仲未多。餐廳環境光潔明亮, 座位寬敞舒適, 廚房採用開放式設計之餘, 安裝左玻璃隔開油煙, 可以一邊睇師傅備餐, 又唔駛怕油煙味, 讚。
除左普通點餐紙之外, 黃埔呢間名館晚市仲提供多款優惠套餐, 價錢都幾實惠, 我地點左一客燉湯同幾款食物share, 兩個人食6樣野, 應該好夠食。
糖心黑蒜燉響螺 $58
響螺湯係我最愛嘅湯款, 呢款糖心黑蒜燉響螺湯頭超鮮甜, 響螺好大件, 加上黑蒜, 雞肉同豬肉, 兩個人分都好滿足。
陳醋珊瑚紅海蜇頭 $58
紅海蜇頭配上青瓜絲, 口感爽脆, 醬汁微辣, 味道清爽自然。
黑金流沙包 $48
老公好鍾意食流沙包, 呢個黑金流沙包賣相好吸引, 奶黃餡料非常流心, 味道香甜外軟內滑, 老公大讚。
水蜜桃咕嚕肉 $78
平時我地食咕嚕肉最怕係菠蘿太酸, 名館呢款咕嚕肉配以香甜嘅水蜜桃, 咕嚕肉外脆內軟, 啖啖肉, 而且只係$78, 好抵食。
私房金黃球泡飯 $68
金黃球泡飯超大份, 兩個人食份量真係大多, 我食左兩碗已經食唔落, 好彩個泡飯帶有老公鍾意嘅蕃茄味, 所以最後佢都食得哂。
金薯棋子酥 $68
甜品嘅棋子酥以中國象棋造型設計, 仲有我最愛嘅紫薯味, 所以就算已經好飽我都食左3件。
埋單每位$200左右, 性價比唔錯。
張貼
