城意 (已結業)

🥗🍽️🥘黃埔葡式滋味▫️午市套餐免加一▫️包餐湯、自助沙律包及飲品一杯🔘餐湯個餐湯好鹹，似煙肉忌廉湯但冇咩配料係入面☑️自助沙律吧有生菜、粟米粒、切件蕃茄、薯仔及螺絲粉提供。醬汁只提供千島醬同埋黑醋汁。螺絲粉有蒜香幾好食，蕃茄同生菜都幾新鮮。☑️香煎橙鱲魚珍珠帶子龍蝦汁葡國燉飯 🦞-$108 魚扒吾大塊，但幾好食，個皮幾脆，魚肉好滑。燉飯好味，龍蝦味超濃，飯粒嘅軟硬度剛好，仲有少量珍珠帶子喺入面，但要仔細啲先發現到。如果有多啲蔬菜係旁邊點綴吓就好。☑️葡國香煎脆皮雞扒配咖哩忌廉汁，薯菜 🐓-$98雞扒都幾大塊，皮脆肉嫩，好juicy，但係個咖喱忌廉汁一般，咖喱味唔濃，可能配燒汁或者黑椒汁會比較好，薯條應該係新鮮薯仔切成條再炸，薯味濃但冇落鹽，淡口d。雞扒下面嘅炒椰菜配煙肉反而有驚喜，有蒜香有口感，幾好食。🆗雜果紅茶熱飲凍飲都唔使加錢，但入面係冇水果提供，水果味亦都唔濃，不過應該冇落糖唔會好甜。