城意 (已結業)

今日嚟黃埔食葡國菜，裝修主調以湖水藍綠色為主，再配上聖誕裝飾好有特色～ 一人餐都幾豐富，包括頭盤，主菜，飲品及任食沙律吧～🥗沙律吧提供幾款新鮮蔬菜沙律，蔬菜爽脆，另外有薯仔沙律，紅菜頭等等…☕水果紅茶味道酸酸甜甜好開胃，有水果同紅茶香味～葡國初榨橄欖油黑醋涼拌深海元貝元貝好大粒鮮味，配上橄欖油黑醋同粉紅色檸檬泡沫好清新～蒜辣鮮茄葡腸炒冰島藍青口青口肉都幾飽滿，加咗香蒜辣茄炒香好惹味～傳統葡國燴雞飯份量都幾多，做法正宗，葡國雞焗得幾香，加咗大量椰絲，醬汁好creamy，雞件肉質細嫩～🍝黑松露葡國火腿卡邦尼扁意粉意粉軟硬適中，卡邦尼醬汁creamy，撈埋溫泉蛋一齊食好夾，配上玫瑰花造型嘅巴馬火腿，帶一點鹹香～