Hero's Friday (黃埔新邨) (已結業)

同事一齊去開黃埔做嘢，諗住食埋個lunch先返公司🤭，點知剛剛又係午飯時間，周圍都係人🥲，經過咗一星期家居隔離後實在怕怕7天又7天😵‍💫，都係決定買個外賣拎走食算。黃埔新村附近美食多羅羅，行過俾呢個hero佈景板吸引住😆，就入去@heros_friday買個burger餐🍔外賣。💎 隊長漢堡 Captain Burger100%純牛肉制，配上雞蛋，煙肉，芝士，生菜同蕃茄。塊牛肉有香香嘅黑椒味，但又唔會搶咗牛肉味，100%純牛肉當然無嘢挑剔，牛肉味濃，煙肉係整整一條，都幾重本，加埋雞蛋，個burger都算巨型。Burger餐跟薯條同飲品，我加咗$8將薯條轉洋蔥圈。洋蔥圈食落幾有驚喜，佢唔係用一圈圈洋蔥沾粉炸，洋蔥係剁碎再沾粉炸，食落口感好豐富。💎 黃金女俠 Golden Angel Burger炸雞柳，配上芝士，生菜同蕃茄。雞柳連皮炸，食落唔會鞋口，雞柳黑椒味重，咬落好juicy。雖然係外賣，相隔一段時間後食塊雞皮都係脆口。人均消費💰 ： ＄75總結✍ ： Burger size 大，重本，好味之餘絕對夠飽，洋蔥圈有驚喜。