影片
更多
2021-11-19
118 瀏覽
Boing?!黃埔美食坊餐廳雲集，除咗好出名嘅幾間中菜，最近發現呢間Boring?! 原來都好有水準👍🏼🌀黑松露泡沫野菌忌廉湯黑松露香氣撲鼻，內裡有野菌茸，唔走creamy路線卻更有口感，令人更期待之後嘅主菜🌀溫泉蛋帶子黑松露沙律好適合打咭📸沙律加上油醋汁令味蕾即時醒一醒，帶子沾上少許黑松露香味，鮮香十足，生熟度剛剛好嘅溫泉蛋十分精緻，靚到唔捨得食呀🌀燒法國春雞伴黑松露意大利飯性價比頗高嘅一個set，有半隻燒春雞，已經一開二方便食用，雞皮部份燒得香脆 意大利飯軟硬適中，加上黑松露提昇味道，越食越滋味。🌀啤酒茴香焗盲鰽魚好特別的一道菜，餐廳用上茴香做主要調味，以玻璃紙封住烹調，令魚肉更加吸收香料味道，魚肉結實得嚟口感滑嫩，仲好細心已經起晒骨方便食，抵讚!除咗食物質素，另一樣好impressive嘅係佢地服務真係好好，店員時刻都好有禮貌，又總會在客人有需要嘅時候出現，令我地對餐廳嘅感覺加分不少呢!
黃埔美食坊餐廳雲集，除咗好出名嘅幾間中菜，最近發現呢間Boring?! 原來都好有水準👍🏼
🌀黑松露泡沫野菌忌廉湯
黑松露香氣撲鼻，內裡有野菌茸，唔走creamy路線卻更有口感，令人更期待之後嘅主菜
🌀溫泉蛋帶子黑松露沙律
好適合打咭📸沙律加上油醋汁令味蕾即時醒一醒，帶子沾上少許黑松露香味，鮮香十足，生熟度剛剛好嘅溫泉蛋十分精緻，靚到唔捨得食呀
🌀燒法國春雞伴黑松露意大利飯
性價比頗高嘅一個set，有半隻燒春雞，已經一開二方便食用，雞皮部份燒得香脆
意大利飯軟硬適中，加上黑松露提昇味道，越食越滋味。
🌀啤酒茴香焗盲鰽魚
好特別的一道菜，餐廳用上茴香做主要調味，以玻璃紙封住烹調，令魚肉更加吸收香料味道，魚肉結實得嚟口感滑嫩，仲好細心已經起晒骨方便食，抵讚!
除咗食物質素，另一樣好impressive嘅係佢地服務真係好好，店員時刻都好有禮貌，又總會在客人有需要嘅時候出現，令我地對餐廳嘅感覺加分不少呢!
張貼
