立鮨 (黃埔天地) (已結業)

大吞拿魚腩壽司 $49😋😋😋好正，好肥美，一入口即化開。火炙左口魚邊壽司 $28好甘甜，油脂感更豐富。火炙大吞拿魚腩海苔壽司 $51本身大Toro已經好正，再火炙埋，將佢既鮮味昇華左，推薦大家試。三文魚手卷 $16三文魚好肥美，手卷包得好貼心，會係底部再包一層，唔怕食食下跌左出黎。佢既壽司飯係赤醋飯，黏度夠，而且每件壽司調味岩岩好，唔駛點醬油。海鮮蒸蛋 $38蒸得幾靚，冇多餘既水，好滑。松葉蟹蓋甲羅燒 $78一上菜，勁香既蟹膏，蟹殼上有滿滿的蟹膏，仲有唔少蟹肉💯原個雪葩（椰子）$43好出色，有驚喜，椰子味好香濃。