Olive ERA (已結業)

喺黃大仙行行吓發現左呢間Olive ERA cafe.見個環境幾舒服，所以就決定行入去坐低食少少野。睇個餐牌見到啲嘢都唔錯，叫咗三樣嘢食，叫咗個錢財，一個意粉同一份扒。頭盤叫咗自家製紅菜頭醃制三文魚配沙律，依個真係誠意推介大家食，三文魚用紅菜頭醃左之後好好味，再配埋酸酸地嘅沙律同少少生果，做頭盤完全係一流。第二個係燒雞肉配長通粉番茄忌廉汁，多汁完全係好creamy 好好味，冇乜可以挑剔嘅地方。最後係一個牛扒，香煎10安士肉眼扒，依個扒係博切嘅，香口程度完全合格，睇上去都好大份，但個人會鍾意厚切，因為可以食到出面焦香，入邊嘅肉香。整體質素都唔錯，下次都仲會再嚟食。