日常素食 (已結業)

📍日常素食 (黃大仙)🔍黃大仙龍翔道136號黃大仙中心北館2樓N201-N202及N226A號舖-----成日大魚大肉食得多，間中都會想回歸平淡食下素菜，前幾日夜晚收工之後，B仔就約咗朋友去佢屋企附近嘅呢一間素食自助餐食晚餐。餐廳係開放式設計，環境好通爽，枱同枱之間嘅距離亦都好寬闊，位處黃大仙中心北館一個比較安靜嘅位置，坐係到食飯令人感覺舒服，亦好適合約朋友傾偈。-佢哋有甜品、熟食、炸物、沙律吧、前菜區同雪糕等等，款式算係中規中矩，唔算極多，但質素唔錯，且價錢唔貴，屬性價比頗高嘅素食自助餐。-炸物：多款炸物裡面，個人最愛係芋頭魚，外酥內軟，芋頭非常扎實，好真材實料，令人忍唔住一再encore-沙律吧：沙律吧裡面嘅蔬菜都非常清新，三色椒爽脆無渣，就算唔額外加醬料都好好食，仲可以自製西瓜、哈密瓜涼粉，冰冰凍凍，清新又醒胃。-甜品：整個自助餐最喜愛嘅部分，就係佢哋嘅甜品，無論係熱食甜品，如馬拉糕、雜糧糕、薑汁糕、腐竹薏仁糖水，定係凍食嘅甜品，如椰汁紅豆糕及桂花糕，全部甜度都非常低，味道非常天然，無論大人細路都啱食。尤其係熱嘅糕類，質感更係做得尤其出色，入口煙煙韌腍，鬆軟非常。-熟食：有幾款B