影片
更多
2021-08-24
1596 瀏覽
幾乎每日都係出街食嘅我好多時都多肉少菜，有時其實都想食返多啲菜，有時真係唔想食肉。尋日同一位喺黃大仙住嘅朋友食晚飯，佢知道咗我唔想食肉之後，就提議一齊去呢間素食自助餐。以素食自助餐來講，我覺得呢間都算座位闊落，坐得舒服。食物種類都多，有沙律菜、炸物、湯、炒飯炒麵、小炒菜同埋甜品等等。首先我都夾咗少少沙律菜，之後就開始食壽司、雜糧糕同埋饅頭。我幾鍾意個雜糧糕，甜甜地。小食同炸物當中我最鍾意嘅係個煎蘿蔔糕，好夠香味，又辣辣地，好開胃。不過都算幾辣，所以如果鍾意食辣嘅朋友都應該會鍾意。至於炸物當中我覺得最好食係咖喱角，炸得好香脆。唔同種類嘅炒菜都有，當中有好多都係模仿肉嘅，有幾下我係真係唔記得咗自己原來食緊齋，同肉嘅口感好似。炒菜當中我最鍾意就係炒豆角、咕嚕肉同埋茄子，我encore左幾次。咕嚕肉個醬汁酸酸甜甜，個皮就算浸滿醬汁都仲係幾脆。茄子比起平時嘅魚香茄子好似冇咁油膩，但都係好味。食呢啲餸最緊要就係配返個飯，有白飯同炒飯揀嘅，我就揀咗炒飯啦，好味啲呀嘛。最後食返少少生果同埋甜品，我食咗西瓜、哈密瓜同埋椰汁糕。西瓜同哈密瓜好清甜，口感清涼，好啱夏天食。不知不覺間原來我真係食咗一餐素，以為
以素食自助餐來講，我覺得呢間都算座位闊落，坐得舒服。
食物種類都多，有沙律菜、炸物、湯、炒飯炒麵、小炒菜同埋甜品等等。
首先我都夾咗少少沙律菜，之後就開始食壽司、雜糧糕同埋饅頭。我幾鍾意個雜糧糕，甜甜地。
小食同炸物當中我最鍾意嘅係個煎蘿蔔糕，好夠香味，又辣辣地，好開胃。不過都算幾辣，所以如果鍾意食辣嘅朋友都應該會鍾意。至於炸物當中我覺得最好食係咖喱角，炸得好香脆。
唔同種類嘅炒菜都有，當中有好多都係模仿肉嘅，有幾下我係真係唔記得咗自己原來食緊齋，同肉嘅口感好似。炒菜當中我最鍾意就係炒豆角、咕嚕肉同埋茄子，我encore左幾次。
咕嚕肉個醬汁酸酸甜甜，個皮就算浸滿醬汁都仲係幾脆。
茄子比起平時嘅魚香茄子好似冇咁油膩，但都係好味。
食呢啲餸最緊要就係配返個飯，有白飯同炒飯揀嘅，我就揀咗炒飯啦，好味啲呀嘛。
最後食返少少生果同埋甜品，我食咗西瓜、哈密瓜同埋椰汁糕。西瓜同哈密瓜好清甜，口感清涼，好啱夏天食。
不知不覺間原來我真係食咗一餐素，以為自己食咗肉添，唔會唔夠滿足感。
張貼
