日常素食 (已結業)

平日飲食比較油膩，都想食得健康啲。黃大仙雖然比較少黎，但見到呢間日常素食推出放題選擇，就過黎食下，晚餐$118一位，價錢適中。雖然年長一輩幫襯多，但年輕人對素食有興趣都可以一試，其實素食都唔只簡單蔬菜既選擇。蓮藕湯頗清甜，除左湯都有唔少飲品選擇。炸物有春卷同茄子等，食落索索聲幾香脆。菠蘿咕嚕素肉食落口感ok，醬汁帶開胃感。主食都有炒飯炒麵等，味道還好，飽肚之選。甜點食個桂花糕，帶清甜香氣，除左糕點重食左好多水果添。