和氣食堂 (黃大仙中心南館)

營業中

休息中

黃大仙有間日本菜餐廳每逢食飯時段都排長龍，今日幾約朋友兩位過黎試下。我地閒日6點就到，不過餐廳已經唔少人幾熱鬧。餐牌厚厚一本選擇好多，除左必有嘅壽司、刺身、丼飯，熱食、小食、野飲、甜品都有好多選項。三文魚牛油果沙律 - 三文魚角切量都唔少，厚肉。調味係酸酸地好開胃，牛油同沙律醬果新鮮質地軟滑。芝士厚燒玉子 - 玉子微甜有蛋香，厚切咬落好有口感！計時微微燒過，非常邪惡！大阪豬扒丼 -炸豬扒，上面係椰菜絲堆成一座山仔，上面鋪咗大阪燒嘅醬味，下邊係煎蛋。炸豬扒肉質鮮嫩、外皮香脆，非常滿足。藍柑白桃梳打 - 非常適合打卡，微甜嘅桃味配微酸嘅藍柑，凍冰冰解渴消暑。宇治抹茶芭菲 - 抹茶味香濃，啱晒我呢啲抹茶控，配上蒟蒻，更有口感。