影片
更多
2022-10-16
281 瀏覽
以前喺黃大仙返工兩個月，lunch幫襯得最多就係呢間餐廳 ，因為價錢唔貴而且食物質素又高，係我心目中黃大仙嘅美食巨頭。今日夜晚經過黃大仙，當然要再黎一試，之前lunch每次嚟到都要排隊等， 今次夜晚嚟到同樣好full，但好彩唔使排隊啱啱好可以直入。佢既 menu成本書咁厚，圖文並茂，種類繁多， 真係花多眼亂，我地好多都想食，所以真係叫咗好多。海鮮四色丼($135)海鮮四色丼有四款刺身：帆立貝四片、甜蝦三隻、三文魚兩片，以及油甘魚兩片。全部都係我鍾意食既刺身，刺身好新鮮鮮甜，雖然未算切到好厚身，但都絕對唔薄身，咁嘅價錢食到四色丼真係非常抵食。大阪豬扒丼($88)大阪豬扒丼嘅賣相絕對係同menu相一模一樣 ，真係圖文相符！ 而且份量亦都如menu所示一樣咁多，飯既上半部分有大量椰菜絲以及木魚碎，兩者舖成一個大山丘，再加上大阪燒醬汁以及沙律醬，下半部分就係滑蛋吉列豬扒飯，吉列豬扒好鬆脆， 好多豬扒飯嘅豬扒一係太稔一係太韌，但呢個豬扒真係做到外皮脆肉身軟，成個飯口感同味道都好豐富，無論係滑蛋，定係鋪滿醬汁嘅椰菜木魚絲，都非常好伴飯，所以大大碗都畀我哋食曬。雪糕推廣：宇治抹茶芭菲 配 電擊雞翼5
今日夜晚經過黃大仙，當然要再黎一試，之前lunch每次嚟到都要排隊等， 今次夜晚嚟到同樣好full，但好彩唔使排隊啱啱好可以直入。佢既 menu成本書咁厚，圖文並茂，種類繁多， 真係花多眼亂，我地好多都想食，所以真係叫咗好多。
海鮮四色丼($135)
海鮮四色丼有四款刺身：帆立貝四片、甜蝦三隻、三文魚兩片，以及油甘魚兩片。全部都係我鍾意食既刺身，刺身好新鮮鮮甜，雖然未算切到好厚身，但都絕對唔薄身，咁嘅價錢食到四色丼真係非常抵食。
大阪豬扒丼($88)
大阪豬扒丼嘅賣相絕對係同menu相一模一樣 ，真係圖文相符！ 而且份量亦都如menu所示一樣咁多，飯既上半部分有大量椰菜絲以及木魚碎，兩者舖成一個大山丘，再加上大阪燒醬汁以及沙律醬，下半部分就係滑蛋吉列豬扒飯，吉列豬扒好鬆脆， 好多豬扒飯嘅豬扒一係太稔一係太韌，但呢個豬扒真係做到外皮脆肉身軟，成個飯口感同味道都好豐富，無論係滑蛋，定係鋪滿醬汁嘅椰菜木魚絲，都非常好伴飯，所以大大碗都畀我哋食曬。
雪糕推廣：宇治抹茶芭菲 配 電擊雞翼5隻 & 北海道芝士Bang Bang炸薯條 ($82)
呢度嘅甜品我絕對要大力推廣，之前已經食過唔止一次呢度嘅雪糕，每次都覺得好驚艷，今次同樣如是。呢度既宇治抹茶芭菲絕對可以媲美雪糕專門店嘅味道，佢嘅雪糕同樣由日本直送，抹茶味好香濃，口感亦非常幼滑，再配上軟糯既丸子、蕨餅、脆片，紅豆蓉，真係一流。
之前都係單點雪糕，今次見到做緊推廣優惠配埋兩款小食，當然要叫埋！電擊雞翼係凍身既，醬汁甜甜地，表面舖上芝麻，雞翼好入味，但偏乾身左少少。第一次食凍既燒雞翼，感覺幾新奇，咬落去冰凍既外皮真係有比人一種好似電擊既感覺。 每條薯條都舖上左滿滿既芝士粉，味道岩岩好，食下食就就食哂。
鐵板煎牛舌($75)
真係用鐵板呈上，上枱時仲燒緊出緊煙，望住啲牛舌滋滋滋咁燒已經覺得好正，牛舌燒得啱啱好，每一塊都好香好稔。
千回火鳥($45)
叫嘅時候係覺得個名好型，上枱時同樣覺得個造型好型，燒到橙金色嘅雞翼，賣相真係好似火鳥振翅般，覺得好有霸氣。雞翼外皮微脆 肉身嫩滑，咬落去仲有少少肉汁😋
宇治金時($42) & 熱紫薯鮮奶 ($35)
飲品就屬於正常發揮，宇治金時綠茶味幾香， 紅豆煮得好稔，帶點澀既袜茶配上甜甜既紅豆剛剛好；熱紫薯鮮奶整體味道較淡，但因為我本身都唔鍾意飲太甜，所以覺得都ok。
PS：個Menu實在選擇太豐富，所以其實我地係叫多左，食完真係飽到上心口，呢度既份量絕對三個人都夠食，但價錢只係五百幾蚊，真係好扺食！
張貼
