臨記車仔麵 (已結業)

今日去竹園探朋友，落樓下食飯，這裡多數都係一啲細嘅食店，而家新開咗一間車仔麵，於是就入去試下，入到去裏面光鮮，地方好乾淨。叫了一個麻辣米線中辣，餸就叫左腩肉，豬紅，牛舌，溫泉蛋，烏冬。湯底鮮味，麻辣味香，辣度足夠。材料新鮮，特別喜歡牛舌和豬紅，有彈性。溫泉蛋比日式拉麵店的做得更好，流心量恰到好處。至於小食，叫了瑞士花香雞翼，無他，因為個名起得靚。個味道就是瑞士汁雞翼加上點點桂花香，確實有新鮮感。野飲加了可樂，食完麻辣米線飲冰凍可樂，簡直是一流享受。