影片
更多
2021-10-20
554 瀏覽
梳乎厘班戟絕對係香港人最鍾意既甜品之一，由唔同既梳乎厘班戟過江龍攻陷香港可見一斑。今次介紹既呢間梳乎厘班戟小店，相信大家都唔陌生，除左佢係油麻地係一間非常顯眼既黃色巴士，仲因為口味款色非常多既梳乎厘班戟同甜品令人龍絡繹不絕。之前同女朋友食過佢既牛角包窩夫幾有驚喜，今次試下佢既其他甜品。夏天食既時侯消暑透心涼，秋天係街食唔會覺得熱。am.pm係一間以梳乎厘班戟起家既人氣甜品外賣店，算係香港最早期主打梳乎厘班戟既甜品店，係2017年開業開業，開業已有4年。店鋪主打梳乎厘班戟，班戟做法係店主跟日本朋友學，每件份量、用料都不斷調校改良，梳乎厘班戟，用時上令雞蛋、日本麵粉製成，班㦸漿係熱爐上以煎焗方法整作，每份都係即叫即製，又圓又大件，入口口感鬆軟有空氣感，又有綿密口感。有多款創新口味選擇，好似流心布丁梳乎厘班戟，仲可以揀配雪糕，賣相IGable，所以成日有人龍排隊等食。除咗梳乎厘班戟，仲有一系列嘅3.6牛乳雪糕、奶昔同牛乳特飲，鍾意甜品嘅你一定有一樣啱食。價錢仲非常平民，廿幾三十幾蚊就可以食到一塊班戟，非常受歡迎，連周潤發發哥同韓國著名綜藝節目Running Man 主持們都食過。店鋪外觀係一
am.pm係一間以梳乎厘班戟起家既人氣甜品外賣店，算係香港最早期主打梳乎厘班戟既甜品店，係2017年開業開業，開業已有4年。店鋪主打梳乎厘班戟，班戟做法係店主跟日本朋友學，每件份量、用料都不斷調校改良，梳乎厘班戟，用時上令雞蛋、日本麵粉製成，班㦸漿係熱爐上以煎焗方法整作，每份都係即叫即製，又圓又大件，入口口感鬆軟有空氣感，又有綿密口感。有多款創新口味選擇，好似流心布丁梳乎厘班戟，仲可以揀配雪糕，賣相IGable，所以成日有人龍排隊等食。除咗梳乎厘班戟，仲有一系列嘅3.6牛乳雪糕、奶昔同牛乳特飲，鍾意甜品嘅你一定有一樣啱食。價錢仲非常平民，廿幾三十幾蚊就可以食到一塊班戟，非常受歡迎，連周潤發發哥同韓國著名綜藝節目Running Man 主持們都食過。
店鋪外觀係一架黃巴士，而入面有好多可愛卡通公仔，貼滿左好多甜品MENU，而且有玻璃可以睇到甜品既製作過程，絕對話比大家知係即叫即製。
睇過MENU，梳乎厘班戟有9款口味，牛角包窩夫有6款口味，奶昔有4款口味，雪糕有5款口味，仲有5款口味既牛奶，種類非常多，價錢係30到70，價錢唔算貴。
每次黎都有唔小人，今次星期六晏就黎算唔多人，前面等緊既有兩張單，落左單5分鐘內啲野食就到。
-
🥞 炎燒布丁梳乎厘 💰50（👅: 7.5/10）
炎燒布丁梳乎厘
$50
16 瀏覽
1 讚好
0 留言
拎上手嗰時已經feel到佢震騰騰，梳乎厘班戟上邊係燒過嘅焦糖同吉士醬，焦糖咬落脆卜卜，似食緊法式焦糖燉蛋。而梳乎厘班戟咬落去算鬆軟，邊位空氣感較重，不過中間空氣感唔夠，口感較扎實一啲，未到入口即融既口感，食落有蛋香味，加埋吉士醬，入口creamy，香味加倍，味道豐富但唔會話遮蓋咗蛋香。脆得嚟再加上軟棉棉嘅口感，係口腔一瞬即逝。
-
🍨 日本雞蛋焦糖布丁3.6牛乳 💰35（👅: 7.5/10）
日本雞蛋焦糖布丁3.6牛乳
$35
9 瀏覽
1 讚好
0 留言
雪糕比較溶得快，入口算香滑，食落偏甜小小，而且奶味充足，上面既脆餅咬落幾脆，而雞蛋焦糖布甸入口滑溜，好似食落啫喱，有小小蛋味。中間仲有一層焦糖，令到雪糕嘅味道唔會太單調，多左一層香味，不過令到雪糕更加甜。
-
🥛 草莓3.6牛乳奶昔 💰45（👅: 7.5/10）
草莓3.6牛乳奶昔
$45
12 瀏覽
1 讚好
0 留言
草莓牛奶奶昔顏色粉嫩，同樣係用上3.6牛乳，入口滑溜，奶味非常濃郁，飲落唔算好甜，奶味會比士多啤梨味重，上面仲會有唔小棉花糖同爆炸糖，令到奶昔冇咁單調，不過用飲筒有啲難飲到棉花糖。
-
🌟整體食物種類非常之多，有香港人好鍾意食既梳乎厘班戟，又有夏天必食既雪糕，唔想食都仲有奶昔，之前食過tiramisu croffle，我覺得比班戟更有驚喜，可以再試。呢個價錢可以食到平民既班戟同甜品，店鋪影相打卡又一流，係值得支持既小店。
-
👅味道: 8/10
🍴環境: 7/10
💰消費: $30-70(服務費: NA)
張貼
