台站 (已結業)

之前試過D2 place附近果間台站，不過就要企係度食，原來有另一間分店係可以坐低慢慢食，又唔多人，值得一去😆餐廳選擇唔算多，但好多黃既海報，真係要大大力懲罰💪🏻懷舊肉燥飯配排骨🍛 ($29)呢個飯真係好抵食，飯既份量都有成2碗，肉燥好多，但排骨就一般，可能唔係岩岩炸起🤣 但整體黎講都算幾飽肚~惹味蔥油拌麵 ($25)我本來以為D蔥會好惹味，食落味道唔算好重，都幾岩我，健康D😝份量一樣都好多下~元祖台灣腸 (黑椒+原味)個人覺得黑椒好食D惹味D，不過同上面果D粉唔太襯🙈，就咁煎香已經好好食👍🏻👍🏻惹味紅油炒手 ($15)呢個超級抵食😋! 本身都中意餃類，都整得唔錯，加埋D紅油，少辣又易入口🌶️，正🙌🏻醬汁肥牛捲餅 ($15)🌯每一舊都好厚切，醬汁融入左D肉度，所以都幾夾，上次食過甜既餡，今次食鹹既餡，味道都唔錯😄