地中海休閒餐廳 (已結業)

早前聽到這間黃店告急，終於在放假的日子lunch hour 去支持一次。一入門口已經有員工為客人測量體溫，防疫做得非常好，當日去到全場九成爆滿，相信暫時營運都冇問題。午餐餐單經濟實惠，但係食物質素唔高，我當日點了一份豬鞍和漢堡，豬鞍肉質好鞋，好硬，點配的醬汁無味，真的不值一試 。另一個漢堡包，手打牛肉還好，叫做juicy，但芝士未溶，包皮唔熱，薯條都唔係即炸，或者係去餐廳嘅時候期望太高，所以今次會比較失望。見到晚餐食評唔錯，可能下次會再試多次！