TEA HUB (已結業)

星期六幾個朋友諗住去間黃cafe hea 吓，點知有個不愉快經歷。去到門口有本「請在此登記」的簿仔，店員都無個係門口，要客人自己登記！？寫左位，企左係出面等，隔離仲有一對情侶比我哋仲早就企係度等。由於朋友未到齊就等住先，由全場滿坐到終於有人走左，有吉枱。由頭到尾都無店員出門口叫人入去坐，淨係幾個圍埋係收銀吹水，終於對情侶走左唔等。後來朋友到齊左，入面再走左幾張枱，但都係無店員安排我哋入座。我仲走左入店入面，先係玄關企左一陣，無店員諗住過嚟問咩事，照係收銀吹水。我再去入去搵店員問，佢居然都係叫我係出面登記，明明店入面已經有幾張吉枱。 到想走的時候，先有個店員出嚟話有吉枱，入面會有員工執枱，但一眼睇到班員工都係吹緊水，無人有行動。最後我同朋友都嬲爆爆唔想係尼度食，唔理黃藍，咁嘅服務態度真係唔要得，唔係做生意咁款的。