一起果醬 (已搬遷) 新店位置

個日係鹽田仔出番西貢，見時間尚早，打算係西貢搵下cafe食下野chill下。當日好多人，咁啱一起果醬唔洗等位，我地就黎試下啦，因為我地都未食過。因為我地又唔想食得太full，所以都無試佢哋嘅all day breakfast同egg benedict。於是我地叫左個果醬九宮格多士同果醬雪糕，因為個日實在太熱，所以一心叫d凍野舒服下。果醬九宮格顧名思義有九隻味，包括玫瑰蘋果，玉桂蘋果，桂花雪梨，木瓜雪耳，蛋黃菠蘿，熱帶風情，雜莓，香橙，芒果。雖然望落好似差唔多但係食落隻隻都有驚喜。玫瑰花茶平時飲得多，但係玫瑰蘋果味真係好正。你可以幻想佢係一隻帶有清香同甜韻嘅香水，食入口清新，係一種你會想一啖接一啖嘅味道。一場嚟到一起果醬，我極力推介大家食呢個九宮格多士，可以一次過試晒唔同嘅果醬，鍾意邊隻可以買返屋企。另外我哋揀咗果醬雪糕，我哋選擇左熱帶風情味，雪糕帶有奶香，入口好棉滑順口，而熱帶風情果醬有百香果同菠蘿嘅香味，有一種酸酸甜甜嘅感覺，但係我就覺得有少少太甜啦。但呢個雪糕組合起炎炎夏日絕對超級解暑。