三多 (已結業)

星期六下午茶食三多，黎得三多，緊係要食招牌炸雞肶啦。炸雞肶有BB/小/中/大辣，我地就叫左小同中辣各一隻，雞肶上面有辣椒片，我覺得小辣剛剛好，中辣辣好多(我平時食開譚仔3小辣)。雞肶肉質嫩滑，醃得好入味，外脆內軟。中辣既辣椒片明顯多過小辣好多，但唔好以為佢嘅辣係由辣椒片黎，我就咁食中辣嘅雞肉(無連皮同辣椒片食)，都覺得辣。我地仲點左法蘭三層西多士，入面一層係花生醬，一層係火腿。西多士炸得啱啱好，唔會好油。不過得一塊火腿就太薄，煉奶同花生醬都蓋過左佢，好似有無火腿都唔大分別。